A miña biografía

Entrou en contacto co cinema en 1993 como axudante de decoración de Félix Murcia en “Tirano Bandeiras” (José Luís García Sánchez, 1993) e logo en “Crucifixion Island”, (John Gugolka, 1994). Durante os anos 1995 a 1997, escribiu e dirixiu a triloxía de curtametraxes “Sitcom Show“, “Paranoia dixital” y “Aínda máis difícil“.

O bosque animado, sentirás a súa maxia” (The living forest, 2001) foi a súa primeira película de longametraxe como guionista e director, preseleccionada como candidata ao Óscar® 2002 a Mellor Longametraxe de Animación pola Academia das Artes e as Ciencias Cinematográficas de Hollywood. Máis tarde, dirixiu “O soño dunha noite de San Xoán” (Midsummer Dream, 2005), que se inspirou na obra ‘Midsummer night dream’ de William Shakespeare. Ambas as dúas películas foron galardoadas cos Goya 2002 e 2006 da Academia das Artes e as Ciencias Cinematográficas de España.

En 2008 produce, escribe e dirixe a súa primeira película de ficción titulada “Os mortos van á présa” (Lost in Galicia, 2009).

Como guionista e produtor executivo, presentou “Engurras” (Wrinkles, 2011) de Ignacio Ferreras, baseada no popular cómic español de Paco Roca. Con esta película obtivo o Goya 2012 ao Mellor Guión Adaptado e Mellor Película de Animación , foi preseleccionada como candidata ao Óscar® 2011 á Mellor Película Animada pola Academia das Artes e as Ciencias Cinematográficas de Hollywood e nomeada á 39ª edición dos Premios Annie 2011 á Mellor Película Animada.

En 2013 produciu “Querida Gina” (Dear Gina, 2014), documental dirixido por Susana Sotelo, e “Todos os Santos” (All Saints Day, 2013), TV Movie para Televisión de Galicia dirixida por Chema Gagino. En 2018 foi produtor e guionista da película de animación “Memorias dun home en pixama” (Memoirs of a Man in Pajamas, 2018), dirixida por Carlos Fernández sobre unha adaptación do cómic de Paco Roca do mesmo título.

Actualmente é director e guionista da longametraxe “O home e o can” (The Man and the Dog, 2022)

Ao longo dos anos, Anxo da Cruz elaborou un estilo e unha metodoloxía únicos, perfeccionados e impartidos en numerosos programas de mestría, obradoiros, seminarios e cursos realizados en universidades e escolas de cinema de todo o mundo. O seu enfoque de escritura e os seus consellos foron compilados nunha guía de escritura de guións titulada “A escaleira de papel” publicada en 2016